എന്താണ് മായ? ഉത്തരം:- മായ എന്നാൽ ഭ്രമം എന്നാണു അർത്ഥം. അതായത് അയഥാർത്ഥമായതിനെ യാഥാർഥ്യമെന്ന് തെറ്റിദ്ധരിക്കുന്ന ഭ്രമം. ആത്മാവിലെ യഥാർത്ഥമായ നൈസർഗിക ഭാവങ്ങൾ സ്നേഹം,ജ്ഞാനം,ശാന്തി,ശക്തി,ആനന്ദം,സുഖം,പവിത്രത എന്നീ ദിവ്യഗുണങ്ങളാണ്. എന്നാൽ ഈ കലിയുഗത്തിൽ കാമം,ക്രോധം,ലോഭം,മോഹം,അഹങ്കാരം എന്നീ വികാരങ്ങളെല്ലാം മനുഷ്യരിൽ നൈസർഗികമായ കാണപ്പെടുന്നു. ഈ വികാരങ്ങൾ നമ്മുടെ സ്വഭാവമാണെന്നും , മേൽപറഞ്ഞ ദിവ്യഗുണങ്ങൾകൊണ്ട് ഇക്കാലത്തു ജീവിക്കാനാവില്ലെന്നും തെറ്റിദ്ധരിച്ചിരിക്കുന്നു. ഇതാണ് മായ. ഈ വികാരങ്ങൾ നമ്മളെ ആത്മബോധം വർധിപ്പിക്കുന്നതിനും പരമാത്മാനുഭൂതി നുകരുന്നതിനും തടസമായ ഒരു പുകമറയായി പ്രവർത്തിക്കും. അതിനാലാണ് മായയെ ജയിക്കാൻ ബാബ പ്രേരിപ്പിക്കുന്നത്. ബാബ ”മായാരാവണൻ” എന്നാണ് പ്രയോഗിക്കാറുള്ളത്. ഈ വികാരങ്ങളാണ് ”മായ” എന്നതുകൊണ്ടാണ് അങ്ങനെ പറയുന്നത്. മറ്റൊന്നിനെയും മായ എന്ന് ബാബ പറയാറില്ല. ധനം, ബന്ധുക്കൾ, വിഘ്‌നങ്ങൾ, പരീക്ഷണങ്ങൾ, രോഗങ്ങൾ, എന്നിവയെയൊന്നും മായ എന്ന് പറയില്ല. ഇത്തരം കാര്യങ്ങളുമായി ബന്ധപ്പെട്ട വിഷയങ്ങൾ പറയേണ്ടി വരുമ്പോൾ ബാബ ”മായ” എന്നു പറയുന്നതിന് പകരം – കർമ്മബന്ധനം, കർമ്മഭോഗ്, ടെസ്റ്റ്പേപ്പർ, വിഘ്‌നം, ഡ്രാമയിലുള്ളത്, എന്നെല്ലാം പറഞ്ഞുകൊണ്ട് വിവരിച്ചു തരാറുണ്ടല്ലോ. എന്നാൽ മായ എന്നത് പൂർണ്ണമായും നമ്മളിലെ ആന്തരികമായ മൂല്യവൈകല്യങ്ങളെ മാത്രമാണ് ഉദ്ദേശിക്കുന്നത്