എളിമയും, ശക്തയും, ശുദ്ധഹൃദയത്തിനുടമയുമായിരുന്ന ഒരു മികച്ച നേതാവിനെയാണ് ഇന്ന് നമ്മൾ അനുസ്മരിക്കുന്നത്. ദൈവത്തിൻ്റെ ഹൃദയം കീഴടക്കുന്നതിലൂടെ അവർ സർവ്വരുടേയും ഹൃദയം കീഴടക്കി. യഥാർത്ഥ സ്നേഹം ഒരു നേതാവിൻ്റെ ഏറ്റവും ശക്തമായ ഗുണമാണെന്ന് അവർ ഉദാഹരണമായി കാണിച്ചു തന്നു ; എളിമയുമായി സ്നേഹത്തിലൂടെ ഹൃദയങ്ങളെ കീഴടക്കുക എന്നത് തന്നെയാണ് നേതൃത്വപാടവം
പ്രകാശിക്കുന്ന രത്നം എന്നർത്ഥമുള്ള ദാദി പ്രകാശ്മണി ജി തൻ്റെ ജീവിതം കൊണ്ട് പേരിന് അനുസൃതമായി ജീവിച്ചു കാണിച്ചു തന്നു . ലോകമെമ്പാടും ആത്മീയതയുടെ വെളിച്ചം പരത്തി, ആളുകളെ ശാക്തീകരിച്ചു. 1969 മുതൽ 2007 ഓഗസ്റ്റ് വരെ അവർ
ബ്രഹ്മാകുമാർ ബ്രഹ്മാകുമാരിമാരെ കൃപയോടും ജ്ഞാനത്തോടും കൂടി നയിച്ചു. 2007 ഓഗസ്റ്റ് 25 ന് ദാദി ദേഹ ത്യാഗം ചെയ്തു, പക്ഷേ ആ ജീവിതം ഇപ്പോഴും എളിമയുടെയും മാതൃസ്നേഹത്തിൻ്റെയും തിളക്കമാർന്ന ഉദാഹരണമായി നിലകൊള്ളുന്നു.
